Rwy’n siŵr y gallwn ni i gyd ddweud yn ddiogel na welsom y pandemig yn cael effaith mor ddwys ar ein gwaith a’n bywydau cartref. Gyda'r prosiect, roedd yn teimlo i ddechrau ein bod yn colli momentwm, ac nad oedd holl waith caled y flwyddyn ddiwethaf yn mynd i gael ei gynnal. Ond rydym wedi addasu a dod o hyd i ffyrdd newydd o weithio, gan adlewyrchu'r hyn sy'n digwydd mewn gwaith cymdeithasol ar draws pob maes.
Rwy'n teimlo ein bod ni i gyd yn colli’r cyswllt wyneb yn wyneb y gwnaethon ni ei gymryd yn ganiataol o'r blaen. Rwy'n sicr yn teimlo'n ynysig ar brydiau, ac yn ysu i fod yn ôl yn y swyddfeydd, yn cael y sgyrsiau anffurfiol hynny gyda gweithwyr. Er y gallwn, ac yn, cysylltu dros MS Teams, yn sicr nid yw'n disodli'r broses o rannu gwybodaeth a'r gefnogaeth amhrisiadwy a gewch o fod o amgylch tîm o weithwyr.
Rydym yn ymwybodol o ba mor anodd y gall gweithio ar y cyd fod wrth weithio’n rhithiol ac oherwydd y pryderon ynghylch y firws a'r risgiau y gallai eu peri. Mae gan weithwyr cymdeithasol sylfaen werth gref a theimlaf y bydd yr eisiau gweithio gyda theuluoedd (yn hytrach na’r ‘gwneud i’ yr ydym yn clywed amdano o fewn gwaith cymdeithasol) yn ystod yr amser hwn yn disgleirio.
Ar ddechrau’r pandemig, un o fy mhrif gyfyng-gyngor fel mentor ymarfer yn y prosiect oedd yr eisiau i gysylltu â gweithwyr, ond heb wybod pryd fyddai’n amser da i wneud hynny. Roeddwn yn ymwybodol bod pawb dan bwysau aruthrol i newid eu ffyrdd o weithio ac i geisio gweithio'n greadigol i sicrhau bod anghenion lles a diogelwch plant yn cael eu diwallu. Roedd yn rhaid i'r sesiynau un i un a grŵp gymryd sedd gefn dros dro wrth i bawb addasu. Daeth yn amlwg yn fuan y byddai dros dro yn golygu llawer hirach na'r disgwyl. Ac felly roedd yn rhaid i ni gynllunio ymlaen llaw ac ystyried y ffyrdd gorau ymlaen.
Bellach mae sesiynau un i un a sesiynau grŵp yn cael eu cynnal yn rhithiol - mae hwn wedi bod yn gam gwych ymlaen ac wedi galluogi'r prosiect i symud ymlaen. Rydym wedi ailgynllunio'r sesiynau briffio ar gyfer gweithwyr proffesiynol amlasiantaethol, a'r sesiwn hyfforddi Amddiffyn Plant yn Effeithiol, i'w cyflwyno yn rhithiol sy'n golygu y gallwn barhau i gefnogi rhannu gwybodaeth ag eraill yn ôl yr angen. Rydym yn symud ymlaen trwy 2020 gan deimlo'n gadarnhaol am yr hyn y gallwn ei gyflawni o hyd er gwaethaf yr anawsterau a wynebir gan weithwyr cymdeithasol yn ystod y pandemig.