Fel prosiect rydym wedi teimlo ei bod yn bwysig ceisio rhannu gwybodaeth ag asiantaethau eraill am ein gwaith i ddiogelu plant yng Ngwynedd. Gwnaethpwyd hyn mewn sawl ffordd: trwy greu'r wefan, creu bwletinau a thrwy drefnu sesiynau rhannu gwybodaeth amlasiantaethol.
Cynhaliwyd ail Ddiwrnod Rhwydwaith Mentoriaid Cymru Gyfan yn Llandrindod ac roedd dros 70 o bobl o bob rhan o Gymru yn bresennol. Gofynnwyd i Wendy Roberts gyflwyno trosolwg o'r Model Amddiffyn Plant yn Effeithiol i rannu ein profiad o waith sy'n canolbwyntio ar ganlyniadau yn yr arena amddiffyn plant.
Fel prosiect gwnaethom gydnabod y buddion o drefnu sesiynau grŵp ar gyfer gweithwyr rheng flaen, ac mae'r mentor wedi bod yn gyfrifol am sefydlu a hwyluso'r rhain. Cynullir grwpiau er mwyn archwilio profiadau ymarfer a chyfleoedd ar gyfer twf. Ochr yn ochr â goruchwyliaeth ffurfiol gan reolwyr a goruchwyliaeth cymheiriaid sy'n digwydd yn naturiol yn y swyddfa, mae'r sesiynau grŵp yn darparu lle i annog dysgu a datblygu.
Wrth greu'r Model Amddiffyn Plant yn Effeithiol, ystyriwyd ei bod yn elfen allweddol o'r prosiect i gael mentor ymarfer a allai fentora'r gweithwyr cymdeithasol rheng flaen o ran deall gwahanol elfennau’r model, a hefyd ymgorffori hyfforddiant i’r ymarfer.
Roedd Llywodraeth Cymru wedi trefnu cynhadledd genedlaethol i drafod gwaith y Cynulliad ar ei weledigaeth i leihau niferoedd y plant sydd mewn gofal yng Nghymru. Gofynnwyd i Dafydd Paul roi cyflwyniad i'r Gynhadledd ar waith Gwynedd.
Roedd y Gynhadledd yn gyfle gwych i gael blas ar waith Awdurdod Castell-nedd Port Talbot ar ymarfer sy'n canolbwyntio ar ganlyniadau, ynghyd â chyflwyniadau gan IPC ar rieni gydag anableddau dysgu. Rhoddwyd y prif gyflwyniad gan Gyngor Glasgow, a hynny ar ei waith i leihau niferoedd y plant sy'n derbyn gofal.
Bu sawl unigolyn sydd wedi bod yn rhan o’r prosiect ym Mhowys yn y Diwrnod Rhwydwaith Mentoriaid Cymru Gyfan – y diwrnod cyntaf o’i fath i gael ei gynnal.
Yn dilyn yr hyfforddiant ‘Arweinwyr Mentora a Chymell’, roedd y digwyddiad hwn a gynhaliwyd gan Gofal Cymdeithasol Cymru yn gyfle i rannu ymarfer da ac i rwydweithio a sgwrsio â gweithwyr proffesiynol eraill o bob rhan o’r wlad. Ei nod oedd helpu mentoriaid sy’n ymwneud â sgyrsiau cydweithredol a dulliau sy'n canolbwyntio ar ganlyniadau ar draws Cymru.
Cafodd nifer o’r unigolion sydd wedi bod yn rhan o’r prosiect gyfle i fynd i Fargam, i Ddigwyddiad Dysgu a oedd yn cael ei drefnu gan Wasanaethau Plant Castell-nedd Port Talbot a Gofal Cymdeithasol Cymru. Rhannodd Gwasanaethau Plant Castell-nedd Port Talbot eu stori am eu siwrnai nhw o ran Ymarfer sy'n Canolbwyntio ar Ganlyniadau.
O’r cychwyn cyntaf, mae rhannu gweledigaeth a dysg wedi bod yn ganolog i’r prosiect hwn. Cafodd Dafydd Paul, Arweinydd y Prosiect, wahoddiad i roi cyflwyniad i’r Bwrdd Trawsnewid Plant. Roedd y Bwrdd wedi bod yn gefnogol i’r prosiect, ac roedd hyn yn gyfle heb ei ail i rannu'r wybodaeth ddiweddaraf am ei gynnydd.
Y bwriad wrth gynllunio’r prosiect oedd ei dreialu mewn un ardal cyn ei gyflwyno'n raddol ymysg timau eraill. Roedd y digwyddiad lansio ffurfiol yn gyfle da i ddod â phawb at ei gilydd.
Bu’r prif unigolion sydd wedi bod yn ymwneud â’r prosiect mewn cyfres o weithdai ar gyfer staff Gwasanaethau Plant ac Oedolion i ystyried sut mae sefydlu prosesau gweithio cydweithredol mewn ymarfer, a gweithio mewn ffordd sy'n rhoi pwyslais ar gryfderau a chanlyniadau.